LEI Art. 98b - Transferiment d’incumbensas a terzas persunas en la procedura da visums

Einleitung zur Rechtsnorm LEI:

Art. 98b ⁽¹⁾ Transferiment d’incumbensas a terzas persunas en la procedura da visums

¹ En enclegientscha cun il SEM po il DFAE autorisar terzas persunas d’ademplir las suandantas incumbensas en il rom da la procedura da visums:

a. fixar termins en vista a la concessiun d’in visum;

b. prender en consegna documents (formular per dumandar in visum, passaport, mussaments);

c. incassar taxas;

d. registrar las datas biometricas en il rom dal sistem d’infurmaziun central per ils visums;

e. respedir il passaport al possessur a la fin da la procedura.

² Il DFAE ed il SEM procuran che las prescripziuns davart la protecziun e la segirezza da las datas vegnian observadas da las terzas persunas incumbensadas.

³ Il Cussegl federal determinescha sut tge cundiziuns che terzas persunas pon vegnir incaricadas cun las incumbensas tenor l’alinea 1.

⁽¹⁾ Integr tras l’art. 2 cifra 1 dal COF dals 11 da dec. 2009 (approvaziun e realisaziun dals barats da notas concernent il sistem d’infurmaziun per ils visums), en vigur dapi il 1. da schan. 2011 (AS 2010 2063 5761; BBl 2009 4245).

Es besteht kein Anspruch auf Aktualität und Vollständigkeit/Richtigkeit.