Lescha federala davart ils dretgs politics (LDP) Art. 76b

Zusammenfassung der Rechtsnorm LDP:

Art. 76b Transparenza en la finanziaziun da la politica Obligaziun da las partidas politicas da declerar lur finanziaziun

¹ Las partidas politicas ch’èn represchentadas en l’Assamblea federala ston declerar lur finanziaziun.

² Ellas adempleschan questa obligaziun, sch’ellas communitgeschan al post cumpetent il suandant:

a. lur entradas;

b. tut ils avantatgs economics che vegnan concedids voluntarmain ad ellas (donaziuns monetaras e betg monetaras) e che surpassan la valur da 15 000 francs per donatur ed onn;

c. las contribuziuns dals singuls mandataris.

³ Commembers da l’Assamblea federala che n’appartegnan betg ad ina partida, ston declerar las donaziuns monetaras e betg monetaras tenor l’alinea 2 litera b.

Es besteht kein Anspruch auf Aktualität und Vollständigkeit/Richtigkeit.