Art. 727 Obligaziun da revisiun 1. Revisiun ordinaria
1 Las suandantas societads ston laschar far in post da revisiun ina controlla ordinaria da lur quint annual ed eventualmain da lur quint dal concern:1. societads ch’èn avertas per il public, quai vul dir societads che:a. han quot ils titels da participaziun ad ina bursa,b. han da pajar obligaziuns d’emprest,c. che contribueschan almain 20 pertschient da las activas u da la svieuta al quint dal concern d’ina societad tenor la litera a u b;2. (1) societads che surpassan durant dus onns da gestiun consecutivs duas da las suandantas grondezzas:a. ina summa da bilantscha da 20 milliuns francs,b. in retgav da la svieuta da 40 milliuns francs,c. 250 plazzas a temp cumplain en la media annuala;3. societads che han l’obligaziun da cumpilar in quint dal concern.
1bis Sch’il rendaquint na vegn betg preschent en francs, vegnan las valurs tenor l’alinea 1 cifra 2 fixadas sco suonda: per la summa da bilantscha sin basa dal curs da stgomi dal di da referenza da la bilantscha e per il retgav da la svieuta sin basa da la media annuala dal curs. (2)
2 Ina revisiun ordinaria sto vegnir fatga er, sche acziunaris che represchentan ensemen almain 10 pertschient dal chapital d’aczias, pretendan quai.
3 Sche la lescha na pretenda betg ina revisiun ordinaria dal quint annual, pon ils statuts prevair u po la radunanza generala concluder ch’il quint annual vegnia suttamess ad ina controlla ordinaria.
(1) Versiun tenor la cifra 1 da la LF dals 17 da zer. 2011 (dretg da revisiun), en vigur dapi il 1. da schan. 2012 ([AS 2011 5863]; [BBl 2008 159]). Guardar er disp. trans. da questa midada.
(2) Integr tras la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
