Art. 5 - Import, export e transit ⁽¹⁾

Einleitung zur Rechtsnorm :

Art. 5 Import, export e transit ⁽¹⁾

¹ Per importar e per exportar narcotics ch’èn suttamess a la controlla dovri ina permissiun da Swissmedic. ⁽²⁾ Quella vegn concedida tenor las cunvegnas internaziunalas. Ina permissiun d’export po er vegnir concedida, sch’ella n’è betg necessaria tenor questa lescha e tenor las cunvegnas internaziunalas, ma sch’ella vegn pretendida dal pajais da destinaziun. ⁽³⁾

1bis Il Cussegl federal po prevair disposiziuns spezialas per l’import e per l’export da narcotics tras viagiaturs malsauns. Swissmedic po elavurar datas da persunas spezialmain sensiblas en connex cun l’import e l’export da narcotics tras viagiaturs malsauns, uschenavant che quai è necessari sin basa da cunvegnas internaziunalas. ⁽⁴⁾

² L’Uffizi federal da la duana e da la segirezza dals cunfins ⁽⁵⁾ surveglia ensemen cun l’institut il transit da narcotics.