Lescha federala davart ils dretgs politics (LDP) Art. 47

Zusammenfassung der Rechtsnorm LDP:

Art. 47 Elecziun da maiorz Procedura

¹ En circuls electorals, nua ch’i sto vegnir elegì mo ina persuna en il Cussegl naziunal, po vegnir vusch per mintga persuna elegibla. Elegida è quella persuna che survegn las pli bleras vuschs. En cas d’egualitad da las vuschs decida la sort.

1bis Il chantun po publitgar sin via electronica ed en il fegl uffizial chantunal tut las candidaturas ch’èn vegnidas annunziadas a l’autoritad electorala chantunala fin il 48avel di avant il di d’elecziun. En la publicaziun vegni inditg almain:

a. il num ed il prenum uffizial;

b. il num, sut il qual la persuna è enconuschenta sin plaun politic u en il mintgadi;

c. la schlattaina;

d. l’adressa da domicil inclusiv il numer postal;

e. ils lieus d’origin inclusiv ils chantuns, als quals els appartegnan;

f. l’appartegnientscha ad ina partida respectivamain ad ina gruppaziun politica; e

g. la professiun. ⁽¹⁾

² Il dretg chantunal po prevair in’elecziun taciturna, sch’igl è entrada mo ina suletta candidatura valaivla tar l’autoritad chantunala cumpetenta fin il 48avel di (7avel glindesdi) avant l’elecziun a las 12.00. ⁽²⁾

⁽¹⁾ Integr tras la cifra I da la LF dals 26 da sett. 2014 (elecziuns dal Cussegl naziunal), en vigur dapi il 1. da nov. 2015 (AS 2015 543; BBl 2013 9217).
⁽²⁾ Integr tenor la cifra I da la LF dals 18 da mars 1994 (AS 1994 2414; BBl 1993 III 445). Versiun tenor la cifra I 1 da la LF dals 23 da mars 2007 concernent la midada da la legislaziun federala davart ils dretgs politics, en vigur dapi il 1. da schan. 2008 (AS 2007 4635; BBl 2006 5261).

Es besteht kein Anspruch auf Aktualität und Vollständigkeit/Richtigkeit.