CPS Art. 3 -

Einleitung zur Rechtsnorm CPS:

Art. 3 Crims u delicts commess en Svizra

¹ Quest Cudesch penal vegn applitg per quels che commettan in crim u in delict en Svizra.

² Sch’il delinquent è vegnì sentenzi pervia dal malfatg a l’exteriur e sch’el ha expi il chasti dal tuttafatg u per part a l’exteriur, metta la dretgira svizra a quint ad el il chasti expi .

³ Sch’in delinquent è vegnì persequit a l’exteriur sin dumonda da l’autoritad svizra, na vegn el, cun resalva d’ina greva cuntravenziun cunter ils princips da la Constituziun federala e da la Convenziun dals 4 da november 1950 ⁽¹⁾ per la protecziun dals dretgs umans e da las libertads fundamentalas (CEDU), betg pli persequit en Svizra pervia da quest malfatg, sche:

⁴ Sch’il delinquent ch’è vegnì persequit a l’exteriur sin dumonda da l’autoritad svizra n’ha betg expi il chasti a l’exteriur u mo per part, vegn il chasti u il rest da quel exequì en Svizra. La dretgira decida, sch’ina mesira che n’è betg vegnida exequida a l’exteriur u ch’è vegnida exequida mo parzialmain sto vegnir exequida u cuntinuada en Svizra