LAVS Art. 103 - Contribuziun federala

Einleitung zur Rechtsnorm LAVS:

Art. 103 ⁽¹⁾ Contribuziun federala

¹ La contribuziun federala importa 19,55 pertschient da las expensas annualas da l’assicuranza; da quest import vegn deducida la contribuziun a l’indemnisaziun a persunas dependentas d’agid tenor l’artitgel 102 alinea 2. ⁽²⁾

1bis La contribuziun federala tenor l’alinea 1 vegn augmentada. L’augment correspunda:

a. a las consequenzas fiscalas staticas stimadas per la Confederaziun, per ils chantuns e per las vischnancas areguard:

1. la taglia sin il gudogn,

2. la deducziun per l’atgna finanziaziun e las adattaziuns tar la taglia sin il chapital,

3. l’imposiziun da dividendas, ed

4. il princip da l’apport da chapital;

b. minus:

1. las entradas supplementaras or da l’augment da la tariffa da contribuziun a la AVS, e

2. l’autezza da la part federala al pertschient demografic a favur da la AVS. ⁽³⁾

1ter L’augment vegn arrund sin 20avels puncts procentuals. ⁽³⁾

1quater L’augment vegn fix sin basa da la stimaziun da las valurs il mument che la Lescha federala dals 28 da settember 2018 ⁽⁵⁾ davart la refurma fiscala e la finanziaziun da la AVS vegn deliberada. ⁽³⁾

² Supplementarmain assegna la Confederaziun a l’assicuranza il retgav da la taxa sin bancas da gieu.

⁽¹⁾ Versiun tenor la cifra II 24 da la LF dals 6 d’oct. 2006 davart la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns (NGF), en vigur dapi il 1. da schan. 2008 (AS 2007 5779; BBl 2005 6029). Guardar er disp. trans. da questa midada a la fin da quest text.
⁽²⁾ Versiun tenor la cifra I 4 da la LF dals 22 da zer. 2007 davart la midada a la nova concepziun da la gulivaziun da finanzas e da la repartiziun da las incumbensas tranter la Confederaziun ed ils chantuns (NGF), en vigur dapi il 1. da schan. 2008 (AS 2007 5953; BBl 2007 645).
⁽³⁾ ⁽⁴⁾
⁽⁴⁾ ⁽⁶⁾
⁽⁵⁾ AS 2019 2395
⁽⁶⁾ Integr tras la cifra I 5 da la LF dals 28 da sett. 2018 davart la refurma fiscala e la finanziaziun da la AVS, en vigur dapi il 1. da schan. 2020 (AS 2019 2395 2413; BBl 2018 2527).

Es besteht kein Anspruch auf Aktualität und Vollständigkeit/Richtigkeit.