CCS Art. 9g -

Einleitung zur Rechtsnorm CCS:

Art. 9g ⁽¹⁾

¹ Per pèrs da la medema schlattaina che han marid a l’exteriur avant che la midada dals 18 da december 2020 è vegnida messa en vigur definitivamain, vala retroactivamain a partir dal mument da la maridaglia l’urden ordinari dals bains da la participaziun als acquists, nun ch’els hajan fix insatge auter cun in contract matrimonial u cun in contract da facultad.

² Avant che questa midada entra definitivamain en vigur, po mintga consort infurmar l’auter en scrit, che l’anteriur urden dals bains tenor l’artitgel 18 da la Lescha da partenadi dals 18 da zercladur 2004 ⁽²⁾ (LPart) vegnia mantegnì fin a quest mument.

³ L’anteriur urden dals bains tenor l’artitgel 18 LPart vegn er mantegnì, sch’igl è – il mument che questa midada entra en vigur definitivamain – pendent in plant che chaschuna la schliaziun da l’urden dals bains tenor dretg svizzer.

⁴ Las ordinaziuns correspundentas prevesan che pèrs che giavischan quai, vegnian inditgads sin actas, sin documents e sin formulars sco consorta e consort respectivamain sco bab e mamma areguard lur uffants.