LEI Art. 86 - Agid social ed assicuranza da persunas malsaunas

Einleitung zur Rechtsnorm LEI:

Art. 86 Agid social ed assicuranza da persunas malsaunas

¹ Ils chantuns reglan la fixaziun ed il pajament da l’agid social e da l’agid d’urgenza per persunas admessas provisoricamain. Ils artitgels 80a–84 LAsil ⁽¹⁾ davart ils requirents d’asil èn applitgabels. Persunas admessas provisoricamain ston per regla vegnir sustegnidas en furma da prestaziuns realas. La tariffa per il sustegn è pli bassa che la tariffa per la populaziun indigena. ⁽²⁾

1bis Per las suandantas persunas valan – areguard il standard da l’agid social – las medemas disposiziuns sco per fugitivs che han survegnì asil da la Svizra:

a. fugitivs admess provisoricamain;

b. ⁽³⁾ fugitivs pertutgads d’ina expulsiun legalmain valaivla tenor l’artitgel 66a u 66a^bis CP ⁽⁴⁾ , tenor l’artitgel 49a u 49a^bis LPM ⁽⁵⁾ u tenor l’artitgel 68 da questa lescha;

c. persunas senza naziunalitad tenor l’artitgel 31 alineas 1 e 2; e

d. ⁽³⁾ persunas senza naziunalitad pertutgadas d’ina expulsiun legalmain valaivla tenor l’artitgel 66a u 66a^bis CP, tenor l’artitgel 49a u 49a^bis LPM u tenor l’artitgel 68 da questa lescha. ⁽⁷⁾

² Areguard l’assicuranza obligatorica da persunas malsaunas per persunas ch’èn admessas provisoricamain èn applitgablas las disposiziuns correspundentas davart ils requirents d’asil tenor la LAsil e tenor la Lescha federala dals 18 da mars 1994 ⁽⁸⁾ davart l’assicuranza da malsauns.

⁽¹⁾ SR 142.31
⁽²⁾ Versiun tenor la cifra I da la LF dals 14 da dec. 2018 (regulaziuns da procedura e sistems d’infurmaziun), en vigur dapi il 1. da zer. 2019 (AS 2019 1413; BBl 2018 1685).
⁽³⁾ ⁽⁶⁾
⁽⁴⁾ SR 311.0
⁽⁵⁾ SR 321.0
⁽⁶⁾ Versiun tenor la cifra I 2 da la LF dals 25 da sett. 2020 davart las mesiras polizialas per cumbatter cunter il terrorissem, en vigur dapi il 1. da zer. 2022 (AS 2021 565; 2022 300; BBl 2019 4751).
⁽⁷⁾ Integr tras la cifra I da la LF dals 14 da dec. 2018 (regulaziuns da procedura e sistems d’infurmaziun), en vigur dapi il 1. da zer. 2019 (AS 2019 1413; BBl 2018 1685).
⁽⁸⁾ SR 832.10

Es besteht kein Anspruch auf Aktualität und Vollständigkeit/Richtigkeit.