LAVS Art. 71 - Constituziun ed incumbensas

Einleitung zur Rechtsnorm LAVS:

Art. 71 D. L’Uffizi central da cumpensaziun Constituziun ed incumbensas

¹ Il Cussegl federal constituescha in Uffizi central da cumpensaziun en il rom da l’administraziun federala.

1bis L’Uffizi central da cumpensaziun è responsabel per la contabilitad da las assicuranzas socialas assicuranza per vegls e survivents, assicuranza d’invaliditad ed urden da cumpensaziun dal gudogn. El maina separadamain ils quints da las trais assicuranzas socialas e fa bilantschas annualas sco er mensilas e quints economics annuals sco er mensils. ⁽¹⁾

² L’Uffizi central da cumpensaziun fa periodicamain giu quint cun las cassas da cumpensaziun concernent las contribuziuns incassadas e concernent las rentas e las indemnisaziuns a persunas dependentas d’agid ⁽²⁾ pajadas ora. El surveglia la regulaziun dals quints e po per quest intent controllar sin il plaz ils rendaquints da las cassas da cumpensaziun u pretender mussaments.

³ L’Uffizi central da cumpensaziun procura ch’ils saldos che resultan dals rendaquints vegnian assegnads da las cassas da cumpensaziun al Fond da cumpensaziun da la AVS respectivamain ch’els vegnian bunifitgads a las cassas da cumpensaziun or da quest fond. Per quest intent sco er per conceder pajaments anticipads a las cassas da cumpensaziun po el ordinar pajaments directamain sin il Fond da cumpensaziun da la AVS.

⁴ L’Uffizi central da cumpensaziun maina:

a. in register central da las persunas assicuradas, che cuntegna ils numers da la AVS attribuids a las persunas assicuradas, ils numers d’assicuranza esters necessaris per realisar cunvegnas internaziunalas d’assicuranza sociala sco er las cassas da cumpensaziun che mainan in conto individual per ina persuna assicurada;

b. in register central da las prestaziuns currentas, inclusiv las indicaziuns davart la concessiun da rentas estras, che cuntegna las prestaziuns en daners e che serva ad evitar pajaments nungiustifitgads, a facilitar l’adattaziun da las prestaziuns ed ad annunziar mortoris a las cassas da cumpensaziun. ⁽³⁾

⁵ L’Uffizi central da cumpensaziun procura ch’i vegnian resguardads tut ils contos individuals da la persuna assicurada il mument ch’il dretg da sia renta cumenza. ⁽⁴⁾

⁽¹⁾ Integr tras la cifra II 4 da l’agiunta da la LF dals 16 da zer. 2017 davart il fond da cumpensaziun, en vigur dapi il 1. da schan. 2019 (AS 2017 7563; BBl 2016 311).
⁽²⁾ Expressiun tenor la cifra II lit. b da la LF dals 4 d’oct. 1968, en vigur dapi il 1. da schan. 1969 (AS 1969 111; BBl 1968 I 602).
⁽³⁾ Versiun tenor la cifra 1 da l’agiunta da la LF dals 21 da zer. 2019, en vigur dapi il 1. da schan. 2021 (AS 2020 5137; BBl 2018 1607).
⁽⁴⁾ Integr tras la cifra I da la LF dals 23 da zer. 2000, en vigur dapi il 1. da schan. 2001 (AS 2000 2749; BBl 2000 255).

Es besteht kein Anspruch auf Aktualität und Vollständigkeit/Richtigkeit.

BGE	Regeste	Schlagwörter
114 V 228	Art. 4 BV, Art. 65 ff. IVV: Unentgeltliche Verbeiständung im IV-Abklärungsverfahren. Im Rahmen des IV-Abklärungsverfahrens als nichtstreitiges Verwaltungsverfahren besteht in engen sachlichen und zeitlichen Grenzen ein unmittelbar aus Art. 4 BV fliessender Anspruch auf unentgeltliche Verbeiständung.	Verwaltung; Recht; Anspruch; Verbeiständung; Verwaltungsverfahren; Leistung; Verfahren; Rechtspflege; Invalidenversicherung; Beschwerdeverfahren; Abklärung; Verfügung; Rechtsprechung; Ausgleichskasse; Verfahrens; Invalidenversicherungs-Kommission; Voraussetzung; Versicherung; Versicherungsgericht; Voraussetzungen; IV-rechtliche; Gericht; Anspruchs; Abklärungsverfahren; Rechtsbeistand; Entscheid

LAVS Art. 71 - Constituziun ed incumbensas

Einleitung zur Rechtsnorm LAVS:

Anwendung im Bundesgericht