Art. 698 La radunanza generala I. Cumpetenzas
1 L’organ suprem da la societad anonima è la radunanza generala dals acziunaris.
2 Ella ha las suandantas cumpetenzas intransferiblas:1. fixar e midar ils statuts;2. eleger ils commembers dal cussegl d’administraziun e dal post da revisiun;3. (1) approvar il rapport da situaziun ed il quint dal concern;4. approvar il quint annual sco er decider davart l’utilisaziun dal gudogn che resulta tras la bilantscha, en spezial fixar la dividenda e la tantiema;5. (2) fixar la dividenda intermediara ed approvar la clusiun intermediara necessaria per quest intent;6. (2) decider davart la restituziun da la reserva legala dal chapital;7. (4) distgargiar ils commembers dal cussegl d’administraziun;8. (4) dequotar ils titels da participaziun da la societad;9. (4) decider davart fatschentas ch’èn resalvadas a la radunanza generala tras la lescha u tras ils statuts. (7)
3 En societads cun aczias quotadas ad ina bursa ha ella las suandantas ulteriuras cumpetenzas intransferiblas:1. eleger il president dal cussegl d’administraziun;2. eleger ils commembers da la cumissiun d’indemnisaziun;3. eleger il represchentant independent dal dretg da votar;4. votar davart las indemnisaziuns dal cussegl d’administraziun, da la direcziun e dal cussegl consultativ. (4)
(1) Versiun tenor la cifra I 1 da la LF dals 23 da dec. 2011 (dretg da rendaquint), en vigur dapi il 1. da schan. 2013 ([AS 2012 6679]; [BBl 2008 1589]).
(2) (3)
(3) Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
(4) (5)
(5) (6)
(6) (8)
(7) Versiun tenor la cifra I da la LF dals 4 d’oct. 1991, en vigur dapi il 1. da fan. 1992 ([AS 1992 733]; [BBl 1983 II 745]).
(8) Integr tras la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
