Lescha federala davart ils dretgs politics (LDP) Art. 67b

Zusammenfassung der Rechtsnorm LDP:

Art. 67b ⁽¹⁾ Reussida

¹ Suenter ch’il termin da referendum è scadì controlla la Chanzlia federala, sch’il dumber minimal necessari da chantuns ha fatg in referendum. ⁽²⁾

² Nunvalaivlas èn dumondas da referendum che:

a. n’èn betg vegnidas concludidas ed inoltradas a la Chanzlia federala entaifer il termin da referendum;

b. èn vegnidas concludidas d’in organ che n’è betg cumpetent en chaussa;

c. na laschan betg identifitgar senza dubi per tge decret federal ch’i vegn pretendida ina votaziun dal pievel.

³ La Chanzlia federala infurmescha las regenzas da tut ils chantuns che han inoltr in referendum en scrit tras ina disposiziun, sch’il referendum dals chantuns è reussì u betg e publitgescha l’infurmaziun en il Fegl uffizial federal, inditgond il dumber da las dumondas da referendum chantunalas valaivlas e nunvalaivlas.

⁽¹⁾ Integr tras la cifra I da la LF dals 21 da zer. 1996, en vigur dapi il 1. d’avr. 1997 (AS 1997 753; BBl 1993 III 445).
⁽²⁾ Versiun tenor la cifra I da la LF dals 21 da zer. 2002, en vigur dapi il 1. da schan. 2003 (AS 2002 3193; BBl 2001 6401).

Es besteht kein Anspruch auf Aktualität und Vollständigkeit/Richtigkeit.