Art. 656b Chapital da participaziun e chapital d’aczias (1)
1 La cumpart dal chapital da participaziun che sa cumpona da certificats da participaziun, ils quals èn quotads ad ina bursa, na dastga betg esser pli che diesch giadas pli gronda ch’il chapital d’aczias inscrit en il register da commerzi. L’ulteriura part dal chapital da participaziun na dastga betg esser pli che duas giadas pli gronda ch’il chapital d’aczias inscrit en il register da commerzi.
2 Las disposiziuns davart il chapital minimal n’èn betg applitgablas.
3 Il chapital da participaziun sto vegnir agiunt al chapital d’aczias, sch’i sa tracta:1. da furmar la reserva legala dal gudogn;2. d’utilisar las reservas legalas dal chapital e dal gudogn;3. da giuditgar, sch’igl è avant maun ina bilantscha deficitara u ina perdita da chapital;4. da limitar la dimensiun d’in augment dal chapital tras chapital cundiziun ;5. da fixar la limita inferiura e superiura d’ina marscha da chapital.
4 Las valurs da sava ston vegnir calculadas separadamain per ils acziunaris e per ils participants, sch’i sa tracta:1. d’introducir in’examinaziun speziala en cas che la radunanza generala refusa ina dumonda correspundenta;2. da dissolver la societad tras la sentenzia d’ina dretgira;3. d’annunziar la persuna che ha il dretg economic tenor l’artitgel 697j.
5 Las valurs da sava vegnan calculadas:1. sin basa da las aczias emessas per acquistar atgnas aczias;2. sin basa dals certificats da participaziun emess per acquistar agens certificats da participaziun.
6 Las valurs da sava ston vegnir calculadas exclusivamain sin basa dal chapital d’aczias, sch’i sa tracta:1. dal dretg da convocar la radunanza generala;2. dal dretg da tractandaziun ed il dretg da far propostas.
(1) Integr tras la cifra I da la LF dals 4 d’oct. 1991 ([AS 1992 733]; [BBl 1983 II 745]). Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
