Art. 52 Responsabladad en cas da defensiun legitima, en cas d’urgenza ed en cas d’agid a sasez
1 Tgi che agescha en defensiun legitima giustifitgada na sto betg indemnisar il donn ch’el chaschuna a la persuna u a la facultad da l’agressur.
2 Tgi che metta maun vi da la facultad estra per deviar da sai u d’ina autra persuna in privel u in donn che smanatscha, sto pajar ina indemnisaziun che vegn fixada dal derschader tenor ses appreziar.
3 Tgi che procura per sia atgna protecziun cun l’intent da segirar in dretg giustifitg , na sto betg pajar ina indemnisaziun, sche l’agid uffizial n’ha – tenor las circumstanzas dadas – betg pudì vegnir prest a temp e sch’igl ha pudì vegnir impedì mo cun l’agid a sasez che ses dretg giaja a perder u possia vegnir fatg valair mo cun in engrevgiament essenzial.
Es besteht kein Anspruch auf Aktualität und Vollständigkeit/Richtigkeit.
