Art. 369 Procedura da refusa
1 Las partidas pon fixar libramain la procedura da refusa.
2 Sch’ellas n’han fix nagut auter e sche la procedura da cumpromiss n’è betg terminada, sto la dumonda da refusa vegnir drizzada en scrit e cun motivaziun al commember refus e vegnir communitgada als ulteriurs commembers entaifer 30 dis suenter che la partida petenta ha survegnì enconuschientscha dal motiv da refusa u avess pudì survegnir enconuschientscha da quest motiv cun l’attenziun necessaria. (1)
3 Entaifer 30 dis suenter l’inoltraziun da la dumonda da refusa po la partida petenta pretender ina decisiun da l’organ design da las partidas u, sch’in tal organ n’è betg vegnì design , da la dretgira statala ch’è cumpetenta tenor l’artitgel 356 alinea 2. (1)
4 Sche las partidas n’han fix nagut auter, po la dretgira da cumpromiss cuntinuar durant la procedura da refusa fin a la sentenzia da cumpromiss cun la procedura, senza excluder las persunas refusadas.
5 La decisiun davart la refusa po vegnir contestada mo ensemen cun in recurs cunter l’emprima sentenzia da cumpromiss.
(1) (2)(2) Versiun tenor la cifra 2 da l’agiunta da la LF dals 19 da zer. 2020, en vigur dapi il 1. da schan. 2021 (AS 2020 4179; BBl 2018 7163).
Es besteht kein Anspruch auf Aktualität und Vollständigkeit/Richtigkeit.
