Art. 355 Sedia da la dretgira da cumpromiss
1 La sedia da la dretgira da cumpromiss vegn fixada da las partidas u da l’organ ch’ellas han incumbens . Sche la sedia na vegn betg fixada, designescha la dretgira da cumpromiss sezza sia sedia.
2 Sche ni las partidas ni l’organ ch’ellas han incumbens ni la dretgira da cumpromiss na designeschan la sedia, è la sedia al lieu da la dretgira statala che fiss cumpetenta per giuditgar la chaussa en cas ch’ina cunvegna da cumpromiss mancass.
3 Sche pliras dretgiras statalas èn cumpetentas, ha la dretgira da cumpromiss sia sedia al lieu da quella dretgira statala che vegn appellada sco emprima applitgond l’artitgel 356.
4 Sche las partidas n’han betg fix insatge auter, po la dretgira da cumpromiss far sesidas, examinar las cumprovas e deliberar er en mintga auter lieu.
Es besteht kein Anspruch auf Aktualität und Vollständigkeit/Richtigkeit.
