CPS Art. 354 -

Einleitung zur Rechtsnorm CPS:

Art. 354 3. Collavuraziun tar l’identificaziun da persunas ⁽¹⁾

¹ Il departament cumpetent registrescha ed arcuna las datas biometricas dal servetsch d’identificaziun ch’èn vegnidas rimnadas e transmessas ad el tras las autoritads chantunalas, federalas ed estras en il rom da la persecuziun penala u da l’adempliment d’autras incumbensas legalas. Questas datas pon vegnir cumparegliadas ina cun l’autra per identifitgar ina persuna tschertgada u nunenconuschenta.

² Las suandantas autoritads pon cumparegliar ed elavurar datas tenor l’alinea 1:

³ Las datas da persunas che sa refereschan a datas tenor l’alinea 1 vegnan elavuradas en sistems d’infurmaziun separads; en quest connex valan las disposiziuns da la Lescha federala dals 13 da zercladur 2008 ⁽⁴⁾ davart ils sistems d’infurmaziun da polizia da la Confederaziun, da la Lescha d’asil dals 26 da zercladur 1998 ⁽⁵⁾ , da la Lescha federala dals 16 da december 2005 ⁽⁶⁾ davart las persunas estras e l’integraziun e da la Lescha da duana dals 18 da mars 2005 ⁽⁷⁾ .

⁴ Las datas dastgan vegnir duvradas:

⁵ Il Cussegl federal regla ils detagls, en spezial la durada da la conservaziun da las datas ch’èn vegnidas registradas ordaifer ina procedura penala, la procedura per stizzar las datas e la collavuraziun cun ils chantuns. El regla la transmissiun da las datas dal servetsch d’identificaziun tras las autoritads federalas cumpetentas e tras ils chantuns. ⁽³⁾

⁶ Cun l’intent da la publicaziun en il sistem d’infurmaziun da Schengen (SIS) po il SEM u l’Uffizi federal da polizia (fedpol) transferir las datas – cun agid d’ina procedura automatisada – en la part naziunala dal Sistem d’infurmaziun da Schengen (N-SIS) ed en il SIS. ⁽¹²⁾