CPS Art. 349f -

Einleitung zur Rechtsnorm CPS:

Art. 349f f. Correctadad da las datas da persunas ⁽¹⁾

¹ L’autoritad cumpetenta rectifitgescha immediatamain datas persunalas incorrectas.

² Ella infurmescha immediatamain l’autoritad, la quala ha transmess u mess a disposiziun questas datas u a la quala ella ha communitg questas datas, che questas datas sajan vegnidas rectifitgadas.

³ Ella infurmescha il destinatur che las datas communitgadas sajan actualas e fidablas.

⁴ Ultra da quai communitgescha ella al destinatur tut las ulteriuras infurmaziuns che permettan da differenziar uschenavant sco pussaivel:

a. tranter las differentas categorias da persunas pertutgadas;

b. tranter datas persunalas che sa basan sin fatgs e datas persunalas che sa basan sin valitaziuns persunalas.

⁵ L’obligaziun d’infurmar il destinatur scroda, sche las infurmaziuns tenor ils alineas 3 e 4 resortan da las datas da persunas sezzas ubain da las circumstanzas.

⁽¹⁾ Integr tras la cifra II 2 da la LF dals 28 da sett. 2018 davart la realisaziun da la directiva (UE) 2016/680 concernent la protecziun da persunas natiralas en connex cun l’elavuraziun da datas persunalas per la prevenziun, l’investigaziun, la scuvrida u la persecuziun da malfatgs u per l’execuziun penala, en vigur dapi il 1. da mars 2019 (AS 2019 625; BBl 2017 6941).

Es besteht kein Anspruch auf Aktualität und Vollständigkeit/Richtigkeit.