Art. 33 Explicaziun e rectificaziun 4
1 Sch’il dispositiv n’è betg cler, sch’el è incoerent u incumplet u sch’el stat en cuntradicziun cun la motivaziun, explitgescha u rectifitgescha la dretgira sia decisiun sin dumonda d’ina partida u d’uffizi. En la dumonda ston vegnir inditgadas las parts crititgadas e las midadas giavischadas.
2 Ils artitgels 330 e 331 valan tenor il senn. En cas da la rectificaziun da sbagls redacziunals e da sbagls calculatorics po la dretgira renunziar da dumandar las partidas da prender posiziun.
3 Cunter ina decisiun davart la dumonda d’explicaziun e da rectificaziun pon ins far recurs.
4 La decisiun explitgada u rectifitgada vegn communitgada a las partidas.
Es besteht kein Anspruch auf Aktualität und Vollständigkeit/Richtigkeit.
