Art. 29a
1 Il UFSP procura che las mesiras tenor questa lescha vegnian evaluadas scientificamain. Las datas che vegnan acquistadas tenor ils artitgels 18d–18f po el trametter en furma anonimisada a l’Uffizi federal da statistica per las laschar evaluar e publitgar. (1)
2 Suenter la terminaziun d’evaluaziuns impurtantas infurmescha il Departament federal da l’intern il Cussegl federal e las cumissiuns cumpetentas da l’Assamblea federala davart ils resultats e fa propostas per l’ulteriur proceder.
3 Il UFSP maina in post da documentaziun, d’infurmaziun e da coordinaziun.
4 Swissmedic fa ses rapport tenor las cunvegnas internaziunalas.
(1) Versiun tenor la cifra I da la LF dals 19 da mars 2021, en vigur dapi il 1. d’avust 2022 (AS 2022 385; BBl 2020 6069).Es besteht kein Anspruch auf Aktualität und Vollständigkeit/Richtigkeit.
