Art. 264e b. Tractament medicinal betg giustifitg , violaziun da l’autodeterminaziun sexuala e da la dignitad umana
1 Cun in chasti da detenziun betg sut 3 onns vegn chasti , tgi che – en connex cun in conflict arm :a. chaschuna grevs donns corporals u violescha u periclitescha grevamain la sanadad fisica u psichica d’ina persuna ch’è protegida dal dretg internaziunal umanitar cun la suttametter ad ina procedura medicinala che na vegn betg pretendida da ses stadi da sanadad e che na correspunda betg a princips da la medischina ch’èn renconuschids en general;b. violescha ina persuna feminina ch’è protegida dal dretg internaziunal umanitar u, suenter ch’ella è vegnida engravidada cunter sia voluntad, la tegna en fermanza cun l’intenziun d’influenzar la cumposiziun etnica d’ina populaziun, sforza ina persuna ch’è protegida dal dretg internaziunal umanitar da subir in act sexual d’ina grevezza cumparegliabla u la sforza a la prostituziun ubain la sterilisescha cun forza;c. tracta ina persuna ch’è protegida dal dretg internaziunal umanitar en ina moda che la umiliescha u che la degradescha grevamain.
2 En cas spezialmain grevs, cunzunt, sch’il malfatg pertutga blers umans u sch’il delinquent agescha en moda crudaivla, po la dretgira pronunziar in chasti da detenziun per vita duranta.
3 En cas main grevs po la dretgira pronunziar in chasti da detenziun betg sut 1 onn.
Es besteht kein Anspruch auf Aktualität und Vollständigkeit/Richtigkeit.
