Art. 24a (1) Graduaziun da la renta d’invaliditad tenor il grad d’invaliditad
1 L’autezza dal dretg d’ina renta d’invaliditad vegn fixada en parts procentualas d’ina entira renta.
2 En cas d’in grad d’invaliditad da 50–69 pertschient en il senn da la AI correspunda la part procentuala al grad d’invaliditad.
3 En cas d’in grad d’invaliditad a partir da 70 pertschient en il senn da la AI ha la persuna assicurada il dretg d’ina entira renta.
4 En cas d’in grad d’invaliditad sut 50 pertschient en il senn da la AI valan las suandantas parts procentualas:
| Grad d’invaliditad | Part procentuala |
| 49 pertschient | 47,5 pertschient |
| 48 pertschient | 45 pertschient |
| 47 pertschient | 42,5 pertschient |
| 46 pertschient | 40 pertschient |
| 45 pertschient | 37,5 pertschient |
| 44 pertschient | 35 pertschient |
| 43 pertschient | 32,5 pertschient |
| 42 pertschient | 30 pertschient |
| 41 pertschient | 27,5 pertschient |
| 40 pertschient | 25 pertschient |
Es besteht kein Anspruch auf Aktualität und Vollständigkeit/Richtigkeit.
