Lescha federala davart ils dretgs politics (LDP) Art. 22

Zusammenfassung der Rechtsnorm LDP:

Art. 22 Dumber e designaziun da las candidatas e dals candidats

¹ Ina proposta electorala dastga cuntegnair maximalmain tants nums da persunas elegiblas sco quai ch’i ston vegnir elegidas commembras e commembers dal Cussegl naziunal en il circul electoral, e nagin num dapli che duas giadas. Sch’ina proposta electorala cuntegna dapli nums, vegnan stritgads ils ultims.

² Las propostas electoralas ston inditgar per mintga candidata u candidat:

a. il num ed il prenum uffizial;

b. il num, sut il qual la persuna è enconuschenta sin plaun politic u en il mintgadi;

c. la schlattaina;

d. la data da naschientscha;

e. l’adressa da domicil inclusiv il numer postal;

f. ils lieus d’origin inclusiv ils chantuns, als quals els appartegnan; e

g. la professiun. ⁽¹⁾

³ Mintga candidata e mintga candidat sto confermar en scrit ch’ella u ch’el acceptia la proposta electorala. Sche la conferma manca, vegn stritg ses num. ⁽²⁾

⁽¹⁾ Versiun tenor la cifra I da la LF dals 26 da sett. 2014 (elecziuns dal Cussegl naziunal), en vigur dapi il 1. da nov. 2015 (AS 2015 543; BBl 2013 9217).
⁽²⁾ Integr tras la cifra I da la LF dals 18 da mars 1994, en vigur dapi ils 15 da nov. 1994 (AS 1994 2414; BBl 1993 III 445).

Es besteht kein Anspruch auf Aktualität und Vollständigkeit/Richtigkeit.