Art. 20 Mesiras da limitaziun
1 Il Cussegl federal po limitar il dumber da las emprimas permissiuns da dimora curta e da dimora (art. 32 e 33) per pratitgar in’activitad da gudogn. L’emprim taidla el ils chantuns ed ils partenaris socials.
2 El po fixar dumbers maximals per la Confederaziun e per ils chantuns.
3 En il rom dals dumbers maximals da la Confederaziun po il SEM decretar disposiziuns per emprimas permissiuns da dimora curta e da dimora ubain augmentar ils dumbers maximals chantunals. En quest connex resguarda el ils basegns dals chantuns e l’interess da l’economia generala.
Es besteht kein Anspruch auf Aktualität und Vollständigkeit/Richtigkeit.
