Art. 18d - En connex cun il tractament da persunas ch’èn dependentas da narcotics

Einleitung zur Rechtsnorm :

Art. 18d ⁽¹⁾ En connex cun il tractament da persunas ch’èn dependentas da narcotics

¹ Las autoritads e las instituziuns ch’èn cumpetentas per exequir questa lescha han il dretg d’elavurar datas da persunas, datas da persunas spezialmain sensiblas e profils da la persunalitad, e quai cun l’intent d’examinar las premissas e l’andament dal tractament da persunas ch’èn dependentas da narcotics.

² Tras mesiras tecnicas ed organisatoricas garanteschan ellas la protecziun da las datas tenor l’alinea 1.

³ Il Cussegl federal fixescha ils detagls, en spezial:

a. las autoritads e las instituziuns ch’èn cumpetentas per l’elavuraziun da datas;

b. las datas che duain vegnir elavuradas;

c. las circulaziuns da datas;

d. las autorisaziuns d’access.

⁽¹⁾ Versiun tenor la cifra I da la LF dals 19 da mars 2021, en vigur dapi il 1. d’avust 2022 (AS 2022 385; BBl 2020 6069).

Es besteht kein Anspruch auf Aktualität und Vollständigkeit/Richtigkeit.