LPP Art. 18 - Premissas

Einleitung zur Rechtsnorm LPP:

Art. 18 Prestaziuns per survivents ⁽¹⁾ Premissas

In dretg da prestaziuns per survivents exista mo, sch’il defunct:

a. era assicur il mument da la mort u il mument da l’entrada da l’incapacitad da lavurar, ch’è stada il motiv da la mort; u

b. aveva – al cumenzament d’ina activitad da gudogn – ina incapacitad da lavurar da 20 fin 40 pertschient en consequenza d’ina menda da naschientscha ed era assicur , cur che l’incapacitad da lavurar, ch’è stada il motiv da la mort, è s’augmentada ad almain 40 pertschient; u

c. è davent invalid sco minoren (art. 8 al. 2 da la Lescha federala dals 6 d’october 2000 ⁽²⁾ davart la part generala dal dretg d’assicuranza sociala, LPGA) ed aveva pervia da quai – al cumenzament d’ina activitad da gudogn – ina incapacitad da lavurar da 20 fin 40 pertschient ed era assicur , cur che l’incapacitad da lavurar, ch’è stada il motiv da la mort, è s’augmentada ad almain 40 pertschient; u

d. survegniva il mument da la mort ina renta da vegliadetgna u d’invaliditad da l’instituziun da provediment.

⁽¹⁾ Versiun tenor la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
⁽²⁾ SR 830.1

Es besteht kein Anspruch auf Aktualität und Vollständigkeit/Richtigkeit.