Art. 13 Controlla dal vehichel
1 Avant che conceder il document, sto il vehichel vegnir controll uffizialmain.
2 Il Cussegl federal po prevair la renunzia a la controlla singula da vehichels ch’èn gia stads examinads concernent il tip. (1)
3 Il vehichel po vegnir controll da tut temp; el sto vegnir controll da nov, sche midadas essenzialas vi dad el èn vegnidas fatgas u sch’igl existan dubis concernent sia segirezza da manaschi.
4 Il Cussegl federal prescriva controllas regularas dals vehichels.
(1) Versiun tenor la cifra I da la LF dals 14 da dec. 2001, en vigur dapi il 1. da favr. 2005 (AS 2002 2767, 2004 5053 art. 1 al. 1; BBl 1999 4462).Es besteht kein Anspruch auf Aktualität und Vollständigkeit/Richtigkeit.
