Art. 10a (1) Infurmaziun da las persunas cun dretg da votar
1 Il Cussegl federal infurmescha cuntinuadamain las persunas cun dretg da votar davart ils projects da votaziun federals.
2 En quest connex resguarda el ils princips da la cumplettezza, da l’objectivitad, da la transparenza e da la proporziunalitad.
3 El preschenta las posiziuns las pli impurtantas represchentadas en il process da decisiun dal parlament.
4 El na represchenta betg ina tenuta che divergescha da la recumandaziun da l’Assamblea federala per la votaziun.
(1) Integr tras la cifra I da la LF dals 5 d’oct. 2007, en vigur dapi ils 15 da schan. 2009 (AS 2009 1; BBl 2006 9259 9279).Es besteht kein Anspruch auf Aktualität und Vollständigkeit/Richtigkeit.
