LEI Art. 100 - Contracts internaziunals ⁽¹⁾

Einleitung zur Rechtsnorm LEI:

Art. 100 Contracts internaziunals ⁽¹⁾

¹ Il Cussegl federal promova partenadis da migraziun bilaterals e multilaterals cun auters stadis. El po far cunvegnas per rinforzar la collavuraziun en il sectur da la migraziun sco er per reducir la migraziun illegala e sias consequenzas negativas.

² Il Cussegl federal po far cunvegnas cun stadis esters u cun organisaziuns internaziunalas davart: ⁽²⁾

a. l’obligaziun da visum e l’execuziun da la controlla da cunfin;

b. la readmissiun ed il transit da persunas che sa trategnan senza autorisaziun en Svizra;

c. il transit da persunas che vegnan accumpagnadas da la polizia en il rom da cunvegnas da readmissiun e da transit inclusiv la posiziun giuridica da persunas che accumpognan las parts contrahentas;

d. il termin per conceder la permissiun da domicil;

e. la scolaziun professiunala e la furmaziun supplementara professiunala;

f. la recrutaziun da lavurants;

g. ils servetschs transcunfinals;

h. la posiziun giuridica da persunas tenor ils artitgels 98 alinea 2.

³ En cas da cunvegnas da readmissiun e da transit po el – en il rom da sias cumpetenzas – conceder u refusar prestaziuns ed avantatgs. En quest connex resguarda el las obligaziuns internaziunalas sco er la totalitad da las relaziuns da la Svizra cun il stadi pertutg . ⁽²⁾

⁴ Ils departaments cumpetents pon far cunvegnas cun autoritads estras u cun organisaziuns internaziunalas davart l’execuziun tecnica da cunvegnas tenor l’alinea 2. ⁽²⁾

⁵ Fin ch’i vegn concludida ina cunvegna da readmissiun en il senn da l’alinea 2 litera b po il DFGP concluder cunvegnas cun las autoritads estras cumpetentas, e quai en enclegientscha cun il DFAE; en questas cunvegnas vegnan regladas las dumondas organisatoricas che stattan en connex cun il return da persunas estras en lur pajais d’origin sco er cun l’agid per il return e cun la reintegraziun. ⁽⁵⁾

⁽¹⁾ Integr tras la cifra I da la LF dals 13 da zer. 2008 (cumplettaziuns en il rom da la realisaziun da las cunvegnas d’associaziun a la reglamentaziun da Schengen e da Dublin), en vigur dapi ils 12 da dec. 2008 (AS 2008 5407 5405 art. 2 lit. c; BBl 2007 7937).
⁽²⁾ ⁽³⁾
⁽³⁾ ⁽⁴⁾
⁽⁴⁾ Versiun tenor la cifra I da la LF dals 13 da zer. 2008 (cumplettaziuns en il rom da la realisaziun da las cunvegnas d’associaziun a la reglamentaziun da Schengen e da Dublin), en vigur dapi ils 12 da dec. 2008 (AS 2008 5407 5405 art. 2 lit. c; BBl 2007 7937).
⁽⁵⁾ Integr tras la cifra I da la LF dals 13 da zer. 2008 (cumplettaziuns en il rom da la realisaziun da las cunvegnas d’associaziun a la reglamentaziun da Schengen e da Dublin) (AS 2008 5407 5405 art. 2 lit. c; BBl 2007 7937). Versiun tenor la cifra 1 da l’agiunta dal COF dals 15 da dec. 2017 (surpigliada da l’Ordinaziun [UE] 2016/1624 davart la Guardia europeica da cunfin e da costa), en vigur dapi ils 15 da sett. 2018 (AS 2018 3161; BBl 2017 4155).

Es besteht kein Anspruch auf Aktualität und Vollständigkeit/Richtigkeit.

LEI Art. 100 - Contracts internaziunals (1)

Einleitung zur Rechtsnorm LEI:

LEI Art. 100 - Contracts internaziunals ⁽¹⁾