LAVS Art. 95 - Surpigliada dals custs e taxas postalas

Einleitung zur Rechtsnorm LAVS:

Art. 95 ⁽¹⁾ Surpigliada dals custs e taxas postalas

¹ Il Fond da cumpensaziun da la AVS indemnisescha a la Confederaziun ils custs:

1bis Il Fond da cumpensaziun da la AVS indemnisescha a la Confederaziun plinavant ils ulteriurs custs che resultan ad ella tras l’adempliment da la surveglianza, tras l’execuziun da l’assicuranza per vegls e survivents e tras ina infurmaziun generala da las persunas assicuradas davart las contribuziuns e davart las prestaziuns da l’assicuranza. ⁽⁴⁾ Suenter avair tadl il cussegl d’administraziun dal Fond da cumpensaziun da la AVS fixescha il Cussegl federal l’import che dastga vegnir duvr per infurmar las persunas assicuradas. ^{(5) (6)}

1ter Il Fond da cumpensaziun da la AVS surpiglia ultra da quai ils custs da la Confederaziun per evaluaziuns scientificas che quella fa u lascha far en connex cun la realisaziun e cun la controlla da l’efficacitad da questa lescha per meglierar l’execuziun da l’assicuranza. ⁽⁷⁾

1quater Sin dumonda da l’uffizi federal cumpetent surpiglia il Fond da cumpensaziun da la AVS ils custs per sviluppar applicaziuns d’informatica per las cassas che portan levgiaments tant per las cassas da cumpensaziun sco er per las persunas assicuradas e per ils patruns. ⁽⁷⁾

² Il Fond da cumpensaziun da la AVS surpiglia las taxas postalas che resultan tras l’execuziun da l’assicuranza per vegls e survivents. ⁽⁹⁾ Ellas vegnan indemnisadas pauschalmain a la Posta. Il Cussegl federal decretescha prescripziuns davart la dimensiun da la francatura pauschala.

³ Ils custs che resultan a l’Uffizi central da cumpensaziun cun exequir la Lescha federala dals 20 da zercladur 1952 ⁽¹⁰⁾ davart ils supplements da famiglia en l’agricultura, sco er las expensas per la francatura pauschala vegnan cuvrids a norma dals artitgels 18 alinea 4 e 19 da la lescha menziunada. ⁽²⁾