LEI Art. 94 - Collavuraziun cun las autoritads

Einleitung zur Rechtsnorm LEI:

Art. 94 ⁽¹⁾ Collavuraziun cun las autoritads

¹ Las interpresas d’aviaziun collavuran cun las autoritads federalas e chantunalas cumpetentas. Las modalitads da la collavuraziun ston vegnir regladas en la permissiun da manaschi u en ina cunvegna tranter il SEM e l’interpresa.

² En la permissiun da manaschi u en la cunvegna poi ultra da quai vegnir fix en spezial il suandant:

a. mesiras spezialas che l’interpresa d’aviaziun prenda per observar l’obligaziun da diligenza tenor l’artitgel 92;

b. l’introducziun da pauschalas empè dals custs da vita e d’assistenza tenor l’artitgel 93.

³ Sch’i vegnan fixadas mesiras spezialas tenor l’alinea 2 litera a, po la permissiun da manaschi u la cunvegna prevair ch’ina eventuala summa che l’interpresa d’aviaziun stuess pajar tenor l’artitgel 122a alinea 1, vegnia reducida per maximalmain la mesadad.

⁽¹⁾ Versiun tenor la cifra I da la LF dals 20 da zer. 2014 (violaziun da l’obligaziun da diligenza e d’annunzia tras las interpresas d’aviatica; sistems d’infurmaziun), en vigur dapi il 1. d’oct. 2015 (AS 2015 3023; BBl 2013 2561).

Es besteht kein Anspruch auf Aktualität und Vollständigkeit/Richtigkeit.