Art. 86 Relaschada cundiziunada.
1 Sch’il praschunier ha expi dus terzs da ses chasti, almain dentant 3 mais, al sto l’autoritad cumpetenta relaschar cundiziunadamain, sche ses cumportament durant l’execuziun da ses chasti giustifitgescha quai e sch’ins na sto betg temair ch’el commettia ulteriurs crims u delicts.
2 L’autoritad cumpetenta examinescha d’uffizi, sch’il praschunier po vegnir relasch cundiziunadamain. Ella consultescha in rapport da la direcziun dal stabiliment. Il praschunier sto vegnir tadl .
3 Sche la relaschada cundiziunada vegn refusada, sto l’autoritad cumpetenta examinar danovamain almain ina giada per onn, sch’ella po vegnir concedida.
4 Sch’il praschunier ha expi la mesadad da ses chasti, almain dentant 3 mais, po el excepziunalmain vegnir relasch cundiziunadamain, sche circumstanzas extraordinarias che dependan da la persuna dal praschunier giustifitgeschan quai.
5 En cas d’in chasti da detenziun per vita duranta è la relaschada cundiziunada tenor l’alinea 1 pussaivla il pli baud suenter 15 onns, quella tenor l’alinea 4 il pli baud suenter 10 onns.
Es besteht kein Anspruch auf Aktualität und Vollständigkeit/Richtigkeit.
