LEI Art. 85a - Activitad da gudogn

Einleitung zur Rechtsnorm LEI:

Art. 85a ⁽¹⁾ Activitad da gudogn

¹ Persunas admessas provisoricamain dastgan exercitar in’activitad da gudogn en l’entira Svizra. En cas d’ina activitad da gudogn dependenta ston vegnir observadas las cundiziuns da salari e da lavur usitadas al lieu, en la professiun ed en la branscha (art. 22). Per fugitivs admess provisoricamain vala l’artitgel 61 LAsil ⁽²⁾ . ⁽³⁾

² Il patrun sto annunziar ordavant a l’autoritad cumpetenta per il lieu da lavur, designada dal chantun, il cumenzament e la finiziun da l’activitad da gudogn dependenta sco er ina midada da plazza. L’annunzia sto cuntegnair en spezial las suandantas indicaziuns: ⁽³⁾

³ Il patrun sto agiuntar a l’annunzia ina decleraziun ch’el enconuschia las cundiziuns da salari e da lavur usitadas al lieu, en la professiun ed en la branscha e ch’el s’obligheschia d’observar quellas.

3bis En cas d’ina activitad da gudogn independenta sto la persuna pertutgada annunziar quai. L’annunzia sto cuntegnair en spezial las indicaziuns tenor l’alinea 2. ⁽⁵⁾

⁴ Als organs da controlla ch’èn responsabels per examinar che las cundiziuns da salari e da lavur vegnian observadas, transmetta l’autoritad tenor l’alinea 2 immediatamain ina copia da l’annunzia.

⁵ Il Cussegl federal designescha ils organs da controlla responsabels.

⁶ El regla la procedura d’annunzia.