Art. 83a (1) Tractament fiscal da la promoziun da la proprietad d’abitaziuns
1 La retratga anticipada ed il retgav obtegnì da la realisaziun dal pegn dal dabun da provediment èn suttamess a la taglia sco prestaziun da chapital dal provediment.
2 En cas ch’ils daners da la retratga anticipada u dal retgav da la realisaziun dal pegn vegnan puspè pajads en, po il pajataglia pretender da survegnir enavos las taglias ch’el ha paj sin l’import ch’el ha obtegnì tar la retratga anticipada u tar la realisaziun dal pegn. Tals rembursaments na dastgan betg vegnir deducids per eruir las entradas suttamessas a la taglia.
3 Il dretg da survegnir enavos las taglias pajadas extingua 3 onns suenter ch’ils daners obtegnids da la retratga anticipada u da la realisaziun dal pegn èn puspè vegnids pajads en ad ina instituziun dal provediment professiunal.
4 Tut las acziuns tenor ils alineas 1–3 ston vegnir communitgadas da l’instituziun da provediment correspundenta a l’Administraziun federala da taglia senza intimaziun da sia vart.
5 Las disposiziuns da quest artitgel valan per las taglias directas da la Confederaziun, dals chantuns e da las vischnancas.
(1) Integr tras la cifra I da la LF dals 17 da dec. 1993 davart la promoziun da la proprietad d’abitaziuns cun meds dal provediment professiunal, en vigur dapi il 1. da schan. 1995 (AS 1994 2372; BBl 1992 VI 237).Es besteht kein Anspruch auf Aktualität und Vollständigkeit/Richtigkeit.
