Art. 815 Revocaziun dals mainagestiun; retratga da l’autorisaziun da represchentanza
1 La radunanza dals societaris po revocar da tut temp ils mainagestiun ch’ella ha elegì.
2 Mintga societari po pretender da la dretgira da revocar u da limitar l’autorisaziun da gestiun e da represchentanza d’in mainagestiun, sch’igl è avant maun in motiv impurtant, en spezial, sche la persuna respectiva ha viol grevamain sias obligaziuns u sch’ella ha pers l’abilitad da manar bain ina fatschenta.
3 Ils mainagestiun pon suspender da tut temp directurs, procurists u mandataris da lur funcziun.
4 Sche questas persunas èn vegnidas elegidas da la radunanza dals societaris, sto vegnir convocada immediatamain ina radunanza dals societaris.
5 Las pretensiuns d’indemnisaziun da las persunas ch’èn vegnidas revocadas u da las persunas ch’èn vegnidas suspendidas da lur funcziuns restan resalvadas.
Es besteht kein Anspruch auf Aktualität und Vollständigkeit/Richtigkeit.
