CPS Art. 79a -

Einleitung zur Rechtsnorm CPS:

Art. 79a Lavur d’utilitad publica ⁽¹⁾

¹ Sch’ins na sto betg temair ch’il sentenzi fugia u ch’el commettia ulteriurs malfatgs, pon – sin dumonda dal sentenzi – ils suandants chastis vegnir exequids en furma da lavur d’utilitad publica:

² La lavur d’utilitad publica è exclusa per exequir in chasti da detenziun subsidiar.

³ La lavur d’utilitad publica sto vegnir prestada a favur d’instituziuns socialas, d’ovras d’interess public u da persunas basegnusas. Ella vegn prestada gratuitamain.

⁴ 4 uras da lavur d’utilitad publica correspundan ad 1 di d’in chasti da detenziun, ad ina taxa per di d’in chasti pecuniar u ad 1 di d’in chasti da detenziun subsidiar en cas da surpassaments.

⁵ L’autoritad d’execuziun fixescha in termin da maximalmain 2 onns per il sentenzi per prestar la lavur d’utilitad publica. Il termin per exequir ina multa tras lavur d’utilitad publica importa maximalmain 1 onn.

⁶ Sch’il sentenzi na presta la lavur d’utilitad publica – malgr in’admoniziun – betg tenor las cundiziuns e las pretensiuns fixadas da l’autoritad d’execuziun u betg entaifer il termin previs, vegn exequì il chasti da detenziun en l’execuziun normala u en furma da la mesa-praschunia u vegn incass il chasti pecuniar u la multa.