Art. 777 Act da constituziun
1 La societad vegn constituida cun in document public, en il qual ils fundaturs decleran da constituir ina societad cun responsabladad limitada, determineschan ils statuts e nomineschan ils organs.
2 En quest act da constituziun suttascrivan ils fundaturs las quotas da basa e constateschan:1. che tut las quotas da basa èn suttascrittas en moda valaivla;2. ch’ils apports correspundan a l’entir import d’emissiun;3. (1) ch’ils apports adempleschan las pretensiuns legalas e statutaras il mument da la suttascripziun da l’act da constituziun;4. ch’els acceptan l’obligaziun statutara da far pajaments supplementars u da furnir prestaziuns accessoricas;5. (2) ch’i n’existan nagins apports en natiralias, naginas cumpensaziuns da credits u avantatgs spezials, auter che quellas e quels numnads en ils mussaments.
(1) Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
(2) Integr tras la cifra I 2 da la LF dals 17 da mars 2017 (dretg dal register da commerzi) ([AS 2020 957]; [BBl 2015 3617]). Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
