Art. 704 Conclus impurtants (1)
1 In conclus da la radunanza generala che vegn approv d’almain dus terzs da las vuschs represchentadas sco er da la maioritad da las valurs nominalas da las aczias represchentadas, è necessari per:1. midar l’intent da la societad;2. reunir aczias, nun che quai dovria il consentiment da tut ils acziunaris pertutgads;3. augmentar il chapital tras agen chapital, tras apports en natiralias u tras la scuntrada cun ina pretensiun, e conceder avantatgs spezials;4. restrenscher u abolir il dretg da suttascripziun;5. introducir in chapital cundiziun , introducir ina marscha da chapital u stgaffir chapital da reserva tenor l’artitgel 12 da la Lescha da bancas dals 8 da november 1934 (2) ;6. converter certificats da participaziun en aczias;7. restrenscher la transferibilitad d’aczias al num;8. introducir aczias cun dretg da votar;9. midar la valuta dal chapital d’aczias;10. introducir la vusch decisiva dal parsura en la radunanza generala;11. fixar ina disposiziun statutara per salvar la radunanza generala a l’exteriur;12. dequotar ils titels da participaziun da la societad;13. spustar la sedia da la societad;14. introducir in clausula da cumpromiss en ils statuts;15. desister da designar in represchentant independent dal dretg da votar per salvar ina radunanza generala virtuala en societads senza aczias quotadas ad ina bursa;16. dissolver la societad. (3)
2 Disposiziuns statutaras che prevesan – per tscherts conclus – maioritads pli grondas che las maioritads prescrittas da la lescha, pon vegnir introducidas, midadas u abolidas mo cun la maioritad previsa. (3)
3 Ils possessurs d’aczias al num che n’han betg approv in conclus davart la midada da l’intent da la societad u davart l’introducziun d’aczias cun dretg da votar n’èn betg liads vi da las restricziuns statutaras da la transferibilitad da las aczias, e quai durant 6 mais suenter la publicaziun dal conclus en il Fegl uffizial svizzer da commerzi.
(1) Versiun tenor la cifra I da la LF dals 4 d’oct. 1991, en vigur dapi il 1. da fan. 1992 ([AS 1992 733]; BBl 1983 II745).
(2) [SR 952.0]
(3) (4)
(4) Versiun tenor la cifra I da la LF dals 19 da zer. 2020 (dretg d’aczias), en vigur dapi il 1. da schan. 2023 ([AS 2020 4005]; [2022 109]; [BBl 2017 399]).
Es besteht kein Anspruch auf Aktualität und Vollständigkeit/Richtigkeit.
