LPP Art. 64c - Custs

Einleitung zur Rechtsnorm LPP:

Art. 64c ⁽¹⁾ Custs

¹ Ils custs da la cumissiun e dal secretariat vegnan cuvrids tras:

a. ina taxa da surveglianza annuala;

b. taxas per disposiziuns e per servetschs.

² La taxa da surveglianza annuala vegn calculada:

a. ⁽²⁾ tar las autoritads da surveglianza tenor il dumber d’instituziuns da provediment survegliadas sco er tenor il dumber da las persunas assicuradas activas e tenor il dumber da las rentas pajadas ora;

b. tar il fond da garanzia, tar l’instituziun auxiliara e tar las fundaziuns d’investiziun tenor la facultad ed eventualmain tenor il dumber da facultads spezialas.

³ Il Cussegl federal determinescha ils custs da surveglianza imputabels e fixescha la procedura per calcular il cas singul, sco er la tariffa da las taxas.

⁴ La taxa debitada tenor l’alinea 2 litera a vegn adossada da las autoritads da surveglianza a las instituziuns da provediment ch’ellas surveglian. ⁽³⁾

⁽¹⁾ Integr tras la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
⁽²⁾ Versiun tenor la cifra I da la LF dals 17 da mars 2017, en vigur dapi il 1. da schan. 2018 (AS 2017 6337; BBl 2016 6845 8193).
⁽³⁾ Integr tras la cifra I da la LF dals 17 da mars 2017, en vigur dapi il 1. da schan. 2018 (AS 2017 6337; BBl 2016 6845 8193).

Es besteht kein Anspruch auf Aktualität und Vollständigkeit/Richtigkeit.