LDAu Art. 62 - Plants da prestaziun

Einleitung zur Rechtsnorm LDAu:

Art. 62 Plants da prestaziun

¹ Tgi che vegn viol u periclit en ses dretg d’autur u en ses dretg da protecziun parents, po pretender da la dretgira:

1bis Ina periclitaziun da dretgs d’autur u da dretgs da protecziun parents è avant maun en spezial en cas d’acziuns tenor ils artitgels 39a alineas 1 e 3, 39c alineas 1 e 3 sco er en cas da violaziun da las obligaziuns tenor l’artitgel 39d. ⁽²⁾

² Resalvads restan ils plants a norma dal Dretg d’obligaziuns ⁽³⁾ sin indemnisaziun dal donn, sin satisfacziun sco er sin consegna d’in gudogn tenor las disposiziuns davart la gestiun senza mandat.

³ Tgi che dispona d’ina licenza exclusiva, po sez purtar plant, nun che quai saja vegnì exclus explicitamain en il contract da licenza. Tut ils titulars da licenzas pon sa participar ad in plant da violaziun per far valair lur agen donn. ⁽⁴⁾