Art. 61 Indemnisaziun tranter plirs possessurs da vehichels a motor
1 Sch’in possessur vegn donnegi corporalmain tar in accident, en il qual plirs vehichels a motor èn involvids, vegn il donn repartì sin ils possessurs da tut ils vehichels a motor involvids en proporziun da lur culpa, nun che circumstanzas spezialas, en spezial las ristgas che resultan dal diever dal vehichel, giustifitgeschian in’autra repartiziun. (1)
2 Per donns materials d’in possessur stat in auter possessur mo bun, sch’il donnegi cumprova ch’il donn è vegnì chaschun tras la culpa u tras la perdita temporara da l’abilitad da giuditgar dal possessur accus u d’ina persuna, per la quala el è responsabel, u tras in defect da ses vehichel.
3 Plirs possessurs responsabels stattan buns en moda solidarica envers il possessur donnegi . (2)
(1) Versiun tenor la cifra I da la LF dals 20 da mars 1975, en vigur dapi il 1. d’avust 1975 (AS 1975 1257 1268 art. 1; BBl 1973 II 1173).(2) Integr tras la cifra I da la LF dals 20 da mars 1975, en vigur dapi il 1. d’avust 1975 (AS 1975 1257 1268 art. 1; BBl 1973 II 1173).
Es besteht kein Anspruch auf Aktualität und Vollständigkeit/Richtigkeit.
