LEI Art. 59a - Chip da datas

Einleitung zur Rechtsnorm LEI:

Art. 59a ⁽¹⁾ Chip da datas

¹ Ils documents da viadi per persunas estras pon vegnir munids cun in chip da datas. Il chip da datas po cuntegnair in purtret digitalis da la fatscha, las improntas dals dets ed autras datas persunalas da la persuna che posseda il document sco er indicaziuns davart il document da viadi. Las datas numnadas en l’artitgel 4 alinea 1 litera g da la Lescha federala dals 20 da zercladur 2003 ⁽²⁾ davart il sistem d’infurmaziun per il sectur da las persunas estras e da l’asil pon medemamain vegnir arcunadas sin il chip da datas. L’artitgel 2a da la Lescha federala dals 22 da zercladur 2001 ⁽³⁾ davart ils documents d’identitad (LDI) vala tenor il senn.

² Il Cussegl federal fixescha tge tips da documents da viadi per persunas estras che han da vegnir munids cun in chip da datas e tge datas che duain vegnir arcunadas sin il chip.