Art. 594 Noziun e constituziun
1 En ina societad commanditara s’uneschan duas u pliras persunas sut ina firma communabla cun l’intent da far commerzi, da manar ina fabrica u da manar in’autra interpresa en furma commerziala, e quai uschia che almain in commember è responsabel illimitadamain, entant che in u plirs auters commembers èn responsabels sco commanditaris mo fin a l’import d’in tschert apport da facultad, numn summa commanditara.
2 Mo persunas natiralas pon esser societaris cun responsabladad illimitada; percunter pon er persunas giuridicas e societads commerzialas esser commanditaris.
3 Ils societaris ston laschar inscriver la societad en il register da commerzi.
Es besteht kein Anspruch auf Aktualität und Vollständigkeit/Richtigkeit.
