LPP Art. 58 - Subsidis en cas d’ina structura da vegliadetgna disfavuraivla

Einleitung zur Rechtsnorm LPP:

Art. 58 Subsidis en cas d’ina structura da vegliadetgna disfavuraivla

¹ Ina instituziun da provediment survegn subsidis en cas d’ina structura da vegliadetgna disfavuraivla (art. 56 al. 1 lit. a), uschenavant che la summa da las bunificaziuns da vegliadetgna surpassan 14 pertschient da la summa dals salaris coordinads correspundents. Ils subsidis vegnan calculads mintga onn sin basa da l’onn chalendar precedent.

² Il Cussegl federal po midar questa tariffa, sche la tariffa media da las bunificaziuns da vegliadetgna divergescha en tut la Svizra essenzialmain da 12 pertschient.

³ Instituziuns da provediment dastgan pretender ils subsidis mo, sche tut il persunal, ch’è suttamess a l’assicuranza obligatorica e ch’è en servetsch dals patruns affiliads, è assicur tar ellas.

⁴ Sche plirs patruns èn affiliads a la medema instituziun da provediment, vegnan ils subsidis per il persunal calculads en moda separada per mintga singul patrun.

⁵ Persunas cun activitad da gudogn independenta vegnan resguardadas per calcular ils subsidis mo, sch’ellas:

a. s’assicureschan facultativamain entaifer 1 onn suenter che la lescha è entrada en vigur u suenter ch’ellas han cumenz cun l’activitad da gudogn independenta; u

b. èn stadas suttamessas a l’assicuranza obligatorica durant almain 6 mais e s’assicureschan suenter directamain en moda facultativa.

Es besteht kein Anspruch auf Aktualität und Vollständigkeit/Richtigkeit.