CPS Art. 57 -

Einleitung zur Rechtsnorm CPS:

Art. 57 Relaziun tranter mesiras e chastis

¹ Sche las premissas èn ademplidas tant per in chasti sco er per ina mesira, ordinescha la dretgira tuttas duas sancziuns.

² L’execuziun d’ina mesira tenor ils artitgels 59–61 ha la precedenza vers in chasti da detenziun, il qual vegn pronunzi a medem temp u po vegnir exequì sin basa d’ina revocaziun u d’ina reintegraziun. Medemamain ha la reintegraziun en ina mesira tenor l’artitgel 62a la precedenza vers in chasti total che vegn pronunzi a medem temp.

³ La durada da la privaziun da la libertad ch’è colliada cun la mesira vegn messa a quint al chasti.