LPP Art. 53d - Procedura en cas d’ina liquidaziun parziala u totala

Einleitung zur Rechtsnorm LPP:

Art. 53d ⁽¹⁾ Procedura en cas d’ina liquidaziun parziala u totala

¹ La liquidaziun parziala e totala da l’instituziun da provediment sto respectar il princip dal tractament egual ed ils princips tecnics renconuschids. Il Cussegl federal designescha quests princips.

² Per calcular ils meds finanzials libers sto la facultad vegnir resguardada per la valur d’alienaziun.

³ Las instituziuns da provediment dastgan deducir proporziunalmain ils deficits tecnics d’assicuranza, sche quai na chaschuna betg ina reducziun dal dabun da vegliadetgna (art. 15). ⁽²⁾

⁴ En il rom da las disposiziuns legalas e dal reglament fixescha l’organ paritetic design u l’organ responsabel:

a. il mument exact da la liquidaziun;

b. ils meds finanzials libers e la part da reparter;

c. il deficit e l’attribuziun da tal;

d. il plan da repartiziun.

⁵ L’instituziun da provediment sto infurmar a temp e cumplettamain las persunas assicuradas sco er las persunas pensiunadas davart la liquidaziun parziala u totala. En spezial las sto ella laschar prender invista dals plans da repartiziun.

⁶ Las persunas assicuradas e las persunas pensiunadas han il dretg da laschar controllar las premissas, la procedura ed il plan da repartiziun tras l’autoritad da surveglianza e da laschar prender quella ina decisiun en chaussa. In recurs cunter la decisiun da l’autoritad da surveglianza ha mo in effect suspensiv, sch’il president da la partiziun cumpetenta dal Tribunal administrativ federal u sch’il derschader d’instrucziun dispona quai d’uffizi u sin dumonda dal recurrent. Sche l’effect suspensiv na vegn betg concedì, ha la decisiun dal Tribunal administrativ federal mo in effect a favur u a disfavur dal recurrent. ⁽³⁾

⁽¹⁾ Integr tras la cifra I da la LF dals 3 d’oct. 2003 (1. revisiun da la LPP), en vigur dapi il 1. da schan. 2005 (AS 2004 1677; BBl 2000 2637).
⁽²⁾ Versiun tenor la cifra I da la LF dals 17 da dec. 2010 (finanziaziun da las instituziuns da provediment da corporaziuns da dretg public), en vigur dapi il 1. da schan. 2012 (AS 2011 3385; BBl 2008 8411).
⁽³⁾ Versiun tenor la cifra I 14 da l’O da l’AF dals 20 da dec. 2006 davart l’adattaziun da decrets a las disposiziuns da la LTF e da la LTAF), en vigur dapi il 1. da schan. 2007 (AS 2006 5599; BBl 2006 7759).

Es besteht kein Anspruch auf Aktualität und Vollständigkeit/Richtigkeit.