LPP Art. 52e - Incumbensas da l’expert per il provediment professiunal

Einleitung zur Rechtsnorm LPP:

Art. 52e ⁽¹⁾ Incumbensas da l’expert per il provediment professiunal

¹ L’expert per il provediment professiunal controllescha periodicamain, sche:

a. l’instituziun da provediment porscha la garanzia da pudair ademplir sias obligaziuns;

b. las disposiziuns reglamentaras tecnicas d’assicuranza davart las prestaziuns e davart la finanziaziun correspundan a las prescripziuns legalas.

² A l’organ suprem da l’instituziun da provediment suttametta el recumandaziuns en spezial davart:

a. ⁽²⁾ la tariffa da tschains tecnica e las ulteriuras basas tecnicas;

b. las mesiras che ston vegnir prendidas en cas d’ina sutgaranzia.

³ Sche l’organ suprem na suonda betg las recumandaziuns da l’expert per il provediment professiunal e sche la segirezza da l’instituziun da provediment para dad esser periclitada qua tras, infurmescha l’expert per il provediment professiunal l’autoritad da surveglianza.

⁽¹⁾ Integr tras la cifra I da la LF dals 19 da mars 2010 (refurma structurala), en vigur dapi il 1. da schan. 2012 (AS 2011 3393; BBl 2007 5669).
⁽²⁾ Rectifitg da la CdR da l’Ass. fed. (art. 58 al. 1 LParl – SR 171.10).

Es besteht kein Anspruch auf Aktualität und Vollständigkeit/Richtigkeit.