LAVS Art. 50b - Procedura d’invista

Einleitung zur Rechtsnorm LAVS:

Art. 50b ⁽¹⁾ Procedura d’invista

¹ Il register central da las persunas assicuradas sco er il register central da las prestaziuns currentas (art. 71 al. 4) èn accessibels als suandants posts tras ina procedura d’invista:

a. a l’Uffizi central da la 2. pitga, en il rom da l’artitgel 24d da la Lescha dals 17 da december 1993 ⁽²⁾ davart la libra circulaziun;

b. a las cassas da cumpensaziun, als uffizis da la AI ed a l’uffizi federal cumpetent, per las datas ch’els dovran per ademplir las incumbensas attribuidas ad els tenor questa lescha e tenor la LAI ⁽³⁾ ;

c. ⁽⁴⁾ als assicuraders cunter accidents tenor la Lescha federala dals 20 da mars 1981 ⁽⁵⁾ davart l’assicuranza d’accidents, per examinar ils dretgs da las persunas che retiran rentas currentas;

d. ⁽⁴⁾ a l’assicuranza militara, per examinar ils dretgs da las persunas che retiran rentas currentas.

² Il Cussegl federal regla la responsabladad per la protecziun da datas, las datas ch’èn da registrar e lur termins da conservaziun, l’access a las datas, la collavuraziun tranter ils utilisaders, la segirezza da las datas sco er la participaziun dals assicuraders cunter accidents e da l’assicuranza militara als custs. ⁽⁷⁾

⁽¹⁾ Integr tras la cifra I da la LF dals 23 da zer. 2000, en vigur dapi il 1. da schan. 2001 (AS 2000 2749; BBl 2000 255).
⁽²⁾ SR 831.42
⁽³⁾ SR 831.20
⁽⁴⁾ ⁽⁶⁾
⁽⁵⁾ SR 832.20
⁽⁶⁾ Integr tras la cifra 1 da l’agiunta da la LF dals 25 da sett. 2015 (assicuranza cunter accidents e prevenziun d’accidents), en vigur dapi il 1. da schan. 2017 (AS 2016 4375; BBl 2008 5395, 2014 7911).
⁽⁷⁾ Versiun tenor la cifra 1 da l’agiunta da la LF dals 25 da sett. 2015 (assicuranza cunter accidents e prevenziun d’accidents), en vigur dapi il 1. da schan. 2017 (AS 2016 4375; BBl 2008 5395, 2014 7911).

Es besteht kein Anspruch auf Aktualität und Vollständigkeit/Richtigkeit.