LPP Art. 50 - Disposiziuns reglamentaras

Einleitung zur Rechtsnorm LPP:

Art. 50 Disposiziuns reglamentaras

¹ Las instituziuns da provediment decreteschan disposiziuns davart:

a. las prestaziuns;

b. l’organisaziun;

c. l’administraziun e la finanziaziun;

d. la controlla;

e. la relaziun tar ils patruns, tar las persunas assicuradas e tar las persunas che han il dretg sin prestaziuns.

² Questas disposiziuns pon esser cuntegnidas en il document da fundaziun, en ils statuts u en il reglament. En cas d’instituziuns da dretg public po la corporaziun respectiva da dretg public decretar ubain las disposiziuns davart las prestaziuns ubain las disposiziuns davart la finanziaziun. ⁽¹⁾

³ Las prescripziuns da questa lescha han la precedenza envers las disposiziuns decretadas da l’instituziun da provediment. Sche l’instituziun da provediment ha dentant pudì supponer da buna fai ch’ina da sias disposiziuns reglamentaras stettia en accordanza cun la lescha, n’è la lescha betg applitgabla retroactivamain.

⁽¹⁾ Versiun tenor la cifra I da la LF dals 17 da dec. 2010 (finanziaziun da las instituziuns da provediment da corporaziuns da dretg public), en vigur dapi il 1. da schan. 2015 (AS 2011 3385, 2013 2253; BBl 2008 8411).

Es besteht kein Anspruch auf Aktualität und Vollständigkeit/Richtigkeit.