Art. 496 Garanzia solidarica
1 Tgi che s’oblighescha sco garant cun agiuntar l’expressiun «solidaric» u cun autras expressiuns equivalentas po vegnir oblig da star bun avant il debitur principal ed avant ch’ils pegns immobigliars vegnian realisads, sch’il debitur principal è en retard cun il pajament da ses debit ed è vegnì admonì senza success u sche sia insolvenza è evidenta.
2 Avant la realisaziun dals dretgs dal pegn manual e dal pegn da pretensiun po el mo vegnir oblig da star bun, uschenavant che quests dretgs na bastan – tenor l’appreziar dal derschader – probablamain betg per cuvrir il debit, u sche quai è vegnì concludì uschia u sch’il debitur principal ha fatg concurs u sch’el ha survegnì in moratori.
Es besteht kein Anspruch auf Aktualität und Vollständigkeit/Richtigkeit.
